Sdang ka 7th Republic Day Cup Under-12 ka WJDSA

Jowai: Ka West Jaiñtia District Sports Association (WJDSA), Jowai ynne ka sngi da sdang ko yaka lympung yalehbol wa tip kam ka 7^th Republic Day Cup Under-12 Football Tournament 2020 kawa pynman ha Kiang Nangbah Stadium, Jowai.

Waroh ki liang wa wan chimbynta da em ki 14 tylli na kylleiñ ka District. Yaka yalehke da pynman 25 minit chi kylliang wei yaka madan da yabhah mar chiteiñ wei da pynman ar tylli ki yalehke ha i jooh i por.

Ynne ka sngi da pynman 6 tylli yalehke wei kiwa jop man ki kamni ha wah:

Ka Demthring da jop ko yaka Chilliangraj 2-0. Ya ki kool da thap da u Pynioowanmi Niangti (Own Goal) haka minit wa 5 wa u Givenson Suting haka minit wa 40.

Related posts

3rd Division EJHDFA: Jop ka Tuber Chohchrieh wa ka Moolang

July 7, 2025

Pynbna ka AIFF Rs. 42.75 lak cha ki kynthai wa yalehbol ka India hadien wa yoh ki wow psiah cha ka AFC Women’s Asian Cup

July 6, 2025

Ka Khimusniang da jop ko yaka Loompyrdi Iongpiah da 2-1. Yaka Khimusniang da thap kool u Yooniki Dong haka minit wa 26 wa u Ferdinand Pde haka minit wa 44. U Aiwan Suwer da thap kool u yaka Loompyrdi Iongpiah haka minit wa 19.

Ka FAM pyrchah yaka Mukhla Raij da kut ko khlem em wa thap kool.

Ka Mulang Ialong da jop ko yaka Mookyrdup da 6-0 da ki kool wa thap u Freddy Pohleng haka minit wa 20, u Marleki Pale haka minit wa 21, u Chrainmitre Pale haka minit wa 28, 34 wa 45 wa u Aiborlang Mulieh haka minit wa 32.

Ka Mookymphad da jop ko yaka 7 Wasa United da 3-0 lyngba ki kool wa thap u Abeddigo Suna haka minit wa 5 wa 33, wa u Sienmitre Laloo (Own Goal) haka minit wa 50.

Ka Luti Tuber Ialong da jop ko yaka Mynthong da 5-0. Ya ki kool da thap da u Damechwa Lhuid haka minit wa 17, u Dang-Ohiwot Dhar haka minit wa 22 wa 25, wa u Jemhok Lhuid haka minit wa 35 wa 42.