Daw sdang noh ya ki thaw Test yei pynmih tdem ki kari

Shillong: U montri ka chnat pynlai kari ka jylla u Sniawbhalang Dhar da ong u wa ka sorkar da pynkhreh ko chaaid chaaid neibynta wow booh ya ki thaw Test tdem kari wa kiwi ki emkaam.

Hawa klam ynne ka sngi, u Sniawbhalang da ong u wa la kammon kammon hapoh kini ki ar næ le bnai, daw ye u pynkrehkaam ya kini ki thaw Test ya ki kari ha ka jylla.

Da pyntip wa ye wow booh ya ki thaw Test ha waroh ki District wei ka East Khasi Hills daw yoh ko rap boon neibhah wa toh kawa rap heh wa kawa rap boon kari.

Hajrong i pynbaad wa em ki paralok ka sorkar Meghalaya Democratic Alliance (MDA) ki wym sñiawsuk ya u montri ka chnat kaam pohyung ka jylla u James K Sangma, u Sniawbhalang da ong u wa ym kwah u wow klam iyi iyi neibhah wa ha i manbru,em kiwa sñiawsuk wei em ki wym sñiaw tangwa kam u bru wa emkaam wow pynbait lada em i bakla.