Chibynta yong ka Fete wa nyngkong dooh; pynman pynkhooid chnong ka Sabahmuswang

Ka Dorbar Chnong Sabahmuswang, West Jaiñtia Hills ynne ka sngi da pynman ko yei pynkhooid ya ki luti syngkieñ ka chnong kam chibynta wow pynkhreh ya ka Fete ka dorbar chnong ha ka 23 wa 24 tarik uni u bnai.

Ini i pynkhooid chnong da sdang i nadooh 9:00 waje i step heiwa ki khon ka chnong da mih yonglang ki wow pynkhooid ya ki rood sarok kamjooh leh wow puchara ya ki chram wa em ha tymbud ki sarok ka chnong.

Neiliang u waheh chnong kamjooh u Secretary ka Sabahmuswang, u Tellme Phawa wa u Emlang Shylla da ong ki wa ka dorbar chnong jooh pynman ko ya i pynkhooid chnong dei langær tangwa i pynkhooid chnong ynne ka sngi man ko kawa kyrpang neibhah wa ka chnong daw pynman ko ya ka Fete wa nyngkong dooh (kawa heh wa ryngkat wa kiwi ki Fete wa da pynman ha kylleiñ ka Ri-loom Jaiñtia).

Neiliang kini ki waheh ka chnong kyntu ki ya ki paidbah wa lai wa wan wow yait ki u pyntngit u pynjakhlia, u noh pyntaroi ya ki sarok ki luti syngkieñ wei wow man ki kiwa lehkhooid heipor wa lai luti wei heipor wa em ki hapoh u pood u ang ka chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmoo heini ka Fete wa daw pynman toh kam chibynta wow pynmih poisa neibynta ki le tylli ki skur wa pynlai da ka Dorbar Chnong wa kynthup ya ka Ksohriti DC LP School, Sabahmuswang Upper Primary School wa ka Ynñiaw Thyndai Memorial LP School.

Ha ka sngi nyngkong yong ka Fete, itæ ha ka 23 tarik daw pynyoo ya ar tylli ki baiskoop wa kynthup ya ka ‘Ri’ kawa da yoh ya i naam National Award wa ka ‘U Kiang Nangbah’ katwa ha ka 24 tarik nawon daw wan pynwyrngia ki dhab tem wa pawnaam na kylleiñ ka jylla kamjooh leh yong ka ri India.