Ka sorkar u Narendra Modi ha uni u snem da rai ko wow khut sñiawbha ya u President ka Brazil, u Jair Bolsonaro wow man kam u kongsan ha ka lehkmen Republic Day wa 71 yong ka ri ha ka 26 tarik uni u bnai ha nongbah New Delhi.
U Bolsonaro da chah jied u kam u President ka Brazil nadooh ka 1 Duyatra (January) 2019.
I yatohlok ka India wa ka Brazil hanlada ym man ware i iwa da slem tangwa i yajan kini ki ar ri da sdang man i iwa khlan dang ha kini ki kajiak snem wa dadep.
Ka kahyi pateiñ hapyrdi kini ki ar ri ha u snem 2007 da ku i le chah cha ka US $ 3.12 billion na ka US $ 1.2 billion ha u 2004 wei ha u snem 2016 da kynjoh ko ya ka US $ 5.64 billion.
Kini ki ar ri leh man ki ki dkhot yong ka BRICS kawa man ka dhab ki san tylli ki ri wa kynthup ya ka Brazil, Russia, India, China wa South Africa kiwa krehlang neibynta i khayi pateiñ.
Discussion about this post