Shillong: Ka sorkar jylla ynne ka sngi da pynbna ko wa ya ka MDC Election chiteiñ samoi neibynta ka 26-Langrin MDC Constituency daw man ko haka 28 tarik u Thohlakhmi (Feb) 2020. Ini i rai yong ka sorkar man ko hadien wa ka chnat District Council Affairs (DCA) da wanrah ko ya kani phang na i khlaad noh u MDC, u Nassar Marwein ha ka 28 Naichiphaw 2019.
Hawa klam hadien ka yalang ki montri, u Symbood Montri Rangbah ka Meghalaya, u Prestone Tynsong da ong u wa ka sorkar da rai ko wa ka thap Vote ha katai ka Constituency u man ko ha ka 28 tarik u Thohlakhmi katwa ka ñiaw Vote won u man ko haka 3 tarik u Wisu (March).
Da ong u wa ya ka Electoral Roll kawa dang pynkhreh daw pynmih ha ka 28 tarik uni u bnai, wow ujor hawa yatoh wa ki pyrtuid daw man ko ha ka 12 tarik Thohlakhmi, katwa yow bichaar ya ki ujor daw man ko ha ka 13 tarik u jooh u bnai wei hadien ini, ya ka Electoral Roll wa pura daw pynmih ha ka 15 tarik Thohlakhmi.
U Tynsong da ong u wa i pynbna wa daw em ka Election daw leh ha ka 17 tarik Thohlakhmi, i thap pyrtuid ha ka 19 tarik hadooh i por 3 waje janmiet wei ka bichaar leh ya ki kot ki sla yong ki kyrtong u man ko leh ha ka jooh ka sngi hadien 3 waje.
Discussion about this post