15 49.0138 8.38624 1 0 4000 1 https://wyrta.com 300 0

Sahteiñ i yaklam pynbait pood neidaw wa mih i yakhih ha u snem wa dadep: Kyrmen Shylla

0 Comments
Advertisement ad1

Shillong: U Montri ka jylla wa pait ya ka chnat Revenue, u Kyrmen Shylla da ong u wa hawa yaklam wa u Montri Rangbah, u Conrad K Sangma hajrong ka yalang hapyrdi ki montri rangbah ka Assam wa Meghalaya, u Conrad da pyntip wa da pynbait wow yachem ya u Montri Rangbah ka Assam ha u snem wa da dep.

Da ong u wa i neidaw wa mih noh i awri na ki yakhih da pyndam noh chwa ya ka yalang.

Da ong u leh wa u Conrad da pyntip u leh wa i yaklam dang lai i chaphrang wow yachem kini ki ar montri rangbah.

U Kyrmen da pnsñiaw u leh wa emkaam jhan wow man kani ka yachem neibynta wow ye u pynbait noh ya i kajia pood hapyrdi kini ki ar jylla.

Hajrong ki 12 tylli ki thaw wa em i kajia, u Kyrmen da ong u wa ini i kajia da mih i neidaw wym biang ki kot ki sla wow pynsakhiat yei kam na waroh arliang wei katni emkaam wow pynbait noh da i yaklam khnang wa ki paidbah ha ki khappood u yoh ki yei chongsuk.

Advertisement ad1

0 Comments

Leave a Reply