Rai ka UDP wow pyrchah bait ya ka CAA deiwa yooluti wa ka SC daw e ko yaka rai wa bha

Shillong: Ka Central Executive Committee yong ka United Democratic Party (UDP) da rai ko wow pyrchah bait ya ka Citizenship (Amendment) Act, 2019, wei ha i jooh i por da pynsñiaw ya i hun wa ka Supreme Court da pdiang ko wow ap yei ujor yong kiwa boon hajrong ka CAA.

Hawa klam hadien wa wai ka yalang ka CEC, uwa yahkhmat ka UDP, u Bindo M Lanong da ong u wa ka Party ka pdiang ko ya ka Supreme Court wow bichaar hajrong kani ka kaam wei da pynsñiaw u leh ya i kyrmen wa ka kashari daw e ko yaka rai kamwa da yooluti da ki paidbah wa boon.

Ha i jooh i u Lanong da ong u wa ka UDP ka kyrchaan joor ko yaka rai yong ka dorbar MLA ka jylla wa da chim ha ka 19 tarik u Kmaichonglad (Dec) 2019, wow pynkrehkaam ya ka Inner Line Permit (ILP) ha Meghalaya. Da pynrap u wa ka jylla Meghalaya hei yong sakhiat da yoh ko ya ka ILP nadooh u snem 1873 wa da pynkrehkaam ya ka Bengal Eastern Frontier Regulations, 1873. Katwa ha u snem 1897 da pyndam noh ya kani ka aiñ na ri-loom Garo.

Da ong u wa ka party ka sñiaw ko wa ka jylla Meghalaya da toh hok ko wow yoh ya kani ka aiñ wow pynkrehkaam kamwa man lang ha ka jylla Arunachal Pradesh wa Nagaland kiwa da em ya kani ka jooh ka aiñ ha ki por wa nachhwa.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Hawa kylli, u General Secretary ka UDP, u Dr. Jemino Mawthoh da yaroh u ya ka sorkar Meghalaya Democratic Alliance (MDA) kawa da chim lang ya i e yumut wa i pynsñiaw na ki seiñ waphær waphær yow pynsñiaw cha u Home Minister ka ri India.

Da ong u wa ini i wanrah ya ka CAA man ko kam wow kyrsu thiah ya ki paidbah ka jylla, hanlada ka sorkar India da pyntikna ko wow pyllait ya ka thaaiñ mihsngi na i pynkrehkaam ya kani ka aiñ. Da ong u wa ini da toh i por kawa biang neibynta ka jylla wow wanrah ya ki aiñ wow yada ya ka jylla na i yoh psiah ki bru wa na baar.