Pynche ka Seiñkur Bahkhla ya ka khubor dawa pynlait kem ya u President ka kur

Ka Seiñkur Bahkhla Central Body lyngba ka khubor wa phah da u Joinly Ksoo, General Secretary wa u R.K. Ram Rymbai, Adviser ka Seiñkur, da ong ki wa ka khubor wa mih haka 21 tarik uni u bnai wa kyntu ka Seiñkur Bahkhla wow pynlait syndon ya u Damehi Rymbai khlem da pynngat kyndon, hajrong ini, da pynche paidbah khamtam yaki khon ka kur yow lait nei sñiawthooh bakla wa neiliang yong ka Seiñkur ym tip ko we ym bahkhlieh hajrong kani ka khubor.

Ha kawi ka liang, neiliang ka Seiñkur sñiawlem hi ko yei chahkem u Damehi Rymbai uwa man u President kur wa katni tangwa yaki kaam samen yong oo wa yatoh waka kaam chnong kaam thaw ha Moolamylliang, Elaka Sutnga, ka Seiñkur ym ye ko wow batai yeini lane wow kynthoh yei pynlai kaam u Dolloi Sutnga, neibhah kam ka Seiñkur ym em bynta ko iyi iyi leh ha chnong Moolamylliang.

Kamtæ ka khubor kawa da dep mih man ko ka khubor kawa pynsñiawthooh bakla yaki paidbah khamtam ya i burom ka Seiñkur hi waroh.

Also Read: Sñiawkhia ka Seiñkur Bahkhla wa chah kem u President yong ka uwa chah ujor ha u Dolloi