15 49.0138 8.38624 1 0 4000 1 https://wyrta.com 300 0

Sñiawkhia ka Seiñkur Bahkhla wa chah kem u President yong ka uwa chah ujor ha u Dolloi

0 Comments
Advertisement ad1

Ka Seiñkur Bahkhla hadien wa da yoo ko lyngba ki laad pathai khubor wa u Damewanhi Rymbai uwa man u President ka Seiñkur Bahkhla Central Body da chah kem u ha ki pulit ka East Jaiñtia Hills na i daw wa ujor da u Dolloi ka Elaka Sutnga hawa yatoh wa ka kaam Assistant Waheh Chnong ha ka chnong Moolamylliang East Jaiñtia Hills, kam ka Seiñkur da dap ko da i sñiawkhia hadooh kattæ kattæ.

Hajrong ini, neiliang ka Seiñkur Bahkhla lyngba ka kyrwoh na u Secretary ka seiñ, u Joinly Ksoo , ka seiñkur da pynsñiaw ko yei sñiawsih ya i kem ki pulit ya u President ka seiñkur du na i daw i kaam Assistant Waheh Chnong .

Advertisement ad1

“I sñiawphylla i wa u Erudit Sutnga, u Dolloi ka Elaka Sutnga da phah kem u ya u President ka seiñkur, ini i leh yong uni u Dolloi pynyoo che wa i rukom krehkaam yong oo man ko kawa synjor wei man ko leh ka wym yahap haka rukom shynchaar khadar ka jaitbru Pnar.” Da ong ka kyrwoh deiwa pynrap wa kam ka kur Bahkhla pynsñiaw ko yei pyrchah wa i wym ye u pdiang.

“Ha-o lada u President ka seiñkur em u da kiwi won ki kaam sih kawa ktah yaka imlang sahlang, i leh kam ka kur Bahkhla i sñiaw yatoh i wei pdiang lang i tangwa sñiawphylla won wa ha kawon ka rukom wa chah kem u du na i daw Assistant Waheh Chnong.” Da ong ka kur.

Chooh chooh lada man sakhiat wa u Dame Rymbai da kam yabor u ya ka kaam Assistant Waheh Chnong ye hi mo u Dolloi u wym em i bor wow pynchitom ya oo katkam ka kyndon aiñ wa da pynkup bor da ka JHADC? da kylli ka seiñkur.

Khaddooh khatwai, neiliang ka kur Bahkhla kyntu ki ya ka bor yong ka aiñ East Jaiñtia wow pynlait noh ya u President ka Señkur khlem iwon iwon i pyntoh kyndon.

Advertisement ad1

0 Comments

Leave a Reply