Ka Aqua Fest wa nyngkong ka West Jaiñtia Hills

Jowai : Ka ophis yong u Superintendent of Fisheries, West Jaiñtia Hills da pynman ki yaka Aqua Fest næ ka yaaw pynyoorong, ya dai ya thied dakha wa chisngi ha madan Tympang Iawmusaing, Jowai. Kani ka Aqua Fest man ko leh kawa nyngkong yong ka District West Jaiñtia Hills.

Da wan wai ya ka da u  DC ka West Jaiñtia Hills wei ong u wa katwon man i iwa yoosuk u yoo ya ki mar ki mata wa da wan pynyoo rong wei da dai leh kamjooh da kiwa psan dakha wei heijooh ipor leh pynchlur u ya ka tnat Fisheries yow pynman chooh ki ya kam kani ka Aqua Fest.

Da ong chooh chooh u wa kani ka yaaw daw pynchlur ko ya kiwa psan dakha yow pynmih chooh ki yaki mar yong ki wei kamjooh leh ki paidbah leh u yohlaad ki u maad wei wow thied yaki mar wa boon jait wa wan rah cha kani ka Aqua Fest.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi kiwa psan dakha da wanrah ki yaki baam wa chna na ka dakha kam ki Aachar, Fish Ball, Fish Cutlet wa kiwi kiwi.

Ha kani ka sngi da e award leh cha ki le ngut kiwa psan dakha u Charles Slong na Pdengshakap hapoh ka Amlarem Block uwa em thaw psan dakha wa heh kamwa 0.25 Hectare, u  Francis Lathong na Phramer, Laskeiñ Block uwa em nan psan dakha ha Pasyih wei heh i thaw psan dakha u kamwa 0.5 Hectare wa u Ebor Sari na Thadlaskeiñ Block uwa psan dakha ha chnong Ksehrynshang ha i thaw wa heh kamwa 0.15 Hectare.

Da e leh yaka work order cha ki kattu katni ngut ki bru hapoh ka scheme RKVY 2013-2014 yow chna ya ki nan psan dakha kam chibynta yong ka Meghalaya State Aquaculture Mission. Ya kiwi ki work order yow chna nan psan dakha da e hapoh ka scheme RKVY 2014-2015 yong ka MSAM waka Special Plan assistance (Infrastructure for Piscicultureists-2^nd Phase) 2012-2013 yong ka Meghalaya State Aquaculture Mission.