Ka lympung yalehke Football kawa da pynman da ka Moolibang Sport & Cultural Club Shangpung da poi ko cha wakut heiwa ha ka Final ka Pyrthad 2 FC da jop ko ya ka Raliang SPSC da 4-2.
Ha kani ka yalehke ya i naam Best Goalkeeper da yoh da u Teilang Langbang yong ka Pyrthad 2 FC katwa u Player ka Tournament da yoh da u Iahchoh Dkhar ka Raliang SPSC.
Chwa ka yakhun Final da em ka yalang wa pynlai da u Wompher Wann, u President ka Moolibang Sport Cultural Club Shangpung heiwa da yoh i klam na u I. Winner Suchiang, Secretary ka Moolibang Sport Cultural Club wa na u Nujorki Sungoh uwa man kam u MLA ka Mookaiaw kam u kongsan.
Ha kani ka sngi da emlang leh u D. Langstang uwa man kam u SE ka PWD Roads Shillong, u RD Sungoh, Account Officer PWD Building Shillong, u Polester Shullai SDO Bagmara, u Tuesday Lytep President FKJGP Jaintia Hills wa kiwi kiwi.
Discussion about this post