15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Rah ka Sanikaru Dkhar ya i naam 5th Mrs. Tuber 2020

0 Comments
Advertisement ad1
Advertisement ad1
Advertisement ad1

Jowai: Ka Seiñraij Tuber lyngba ka chnat Women’s Wing kam chibynta wow pynmih poisa ya ka thaw ri khonswet wa pynlai da ka chnat ya kawa da tip kam ka 7 Thyndai Childcare Institute cum Counselling Center da pynman ko ya ki program wa ar miet ha Mihmyntdu, West Jaiñtia Hills.

Ha ka miet wa nyngkong, itæ ha ka 30 tarik da pynman ya ka yakob Super Moms heiwa chwa ka yakob da em ka yalang heiwa u MDC ka Jowai North, u Brightstar Chyrmang da man u kam u kongsan.

Ya kani ka yalang da pynlai da ka Tiewmihpli Lyngdoh, heiwa da yoh ya ki kyntien pdiangburom na ka Hoibiang Dkhar, i klam na ka Faithtis Ryngkhlem, u Abul Phawa uwa man leh u waheh chnong ka Mihmyntdu, wa kiwi kiwi. 

U Brightstar hawa e i klam da yaroh u ya ki manbei wa da chimkhia ki wow pynlai ya kani ka thaw ri khonswet, wei da kyrmen u wow ye ki u pteiñ ya ki kaam yong ki.

Ha kani ka yakob ki manbei da pynyoo ki ya ki sap chaad iwa da pynchohbiej ya ki paidbah.

Ha ka miet wa bood won, itæ ynnin ka 31 tarik da pynman ya ka yakob miat kynthai yong ki manbei ya kawa da tip leh kam ka 5th Mrs. Tuber 2020.

Chwa wow sdang kani ka yakob da em ka yalang heiwa u montri ka sorkar jylla, u Sniawbhalang Dhar da man u kam u kongsan katwa u Laski Rymbai u Deputy CEM JHADC da man u kam u symbood kongsan. 

U Sniawbhalang hawa e yei klam da e u i kyntien kyrkhu kyrdoh ya kiwa pynlai kani ka thaw ri khynnah ha Tuberkmaichnong wei da yaroh u leh yei chynna jngai ki waheh ka Seiñraij Tuber wow chim ya kani ka lyngkor kawa takhooh chiboon i eh i khoo.

Da pynsñiaw u leh wa emkaam u krehlang wa ki MLA ki MDC ka thaaiñ khnang wow ye u pyndap yei emkaam kani ka thaw.

Hadien ka yalang da pynman ya ka yakob heiwa da bhah ya ka ha ki le bynta, ka Traditional Round, ka Casual Round wa ka Formal Round.

Ha kani ka yakob ka manbei Sanikaru Dkhar na Tuberkmaichnong da rah ko ya i naam jop wei da yoh ko leh ya i naam Best Catwalk, ya i naam wa ar da rah da ka Anita Phawa na Mihmyntdu kawa da yoh leh yei naam Beautiful Smile, katwa ya i naam wa le won da yoh ka Kongka Shylla na Sabahmuswang. 

Chooh chooh ya i naam Best Traditional Dress da yoh da ka Lakhi Shylla. 

Ya ka naam 2nd Runners-up da yarap sñiawbha da ka manbei Memorial Phawa kawa da yoh yei naam 4th Mrs Tuber.

Share this:
Previous

Jop ka Pyrthad 2 FC ya ka Raliang SPSC haka Final

Next

Da pynman ya ka First Social Meet Mukroh Village