Palat 100 tylli ki Airport daw pynchna chwa u 2024 yow kyrchaan yaka UDAAN Scheme

Ka Union Minister for Finance & Corporate Affairs, ka Nirmala Sitharaman, heipor wa wanrah ko yaka mang poisa namo ka Union Budget 2020-21, ha Parliament ynne ks sngi, da ong ko wa i pynbiang ya iwa emkaam yow wanrah yaka roi ka paar kahmtam haka khayi pateiñ toh ka phang wa kongsan kani ka mang poisa kawa thmu wow wanrah yei suk hei im ki tre ri waroh.

Deiwa ban yei emkaam wow pynbha pynmiat ya ki thaw sangeh ki lien ki jhaad hapoh ka ri India deiwa pynemkaam yaka stat Technology yow pynmiat yei krehkaam ki, ka Nirmala Sitharaman da ong ko, “Ka sorkar dang pyrkhat ko leh wow wai ya kawi na ki thaw sangeh lieñ sangeh jhaad cha ki bru samen wow embynta ki deiwa dai ki bhah cha ki Company ha Stock Exchange.”

Hei yatoh ki luti um wa em hapoh ka ri (Inland Waterways), ka Finance Minister da pynbna ko wa yaka “Jal Vikas Marg” wa em haka National Waterway-1 daw pyndep noh wa sa 890 Km yow pynyabi yaka Dhubri-Sadiya daw pyndep ha u 2022.

Ka Sitharaman da pyntip ko leh wa da pynkrehkaam yaka “Arth Ganga”- ka thong u Prime Minister yow pynku yaka khayi pateiñ harood ki wah. Wei ya ini hapoh ka Union Budget da booh bhah T. 1.70 Lak Klur.

Related posts

Pynbna ka Congress ya ka thup wa ar ki kyrtong MDC cha ka KHADC wa JHADC

January 10, 2025

Thooh daw ka VPP wow pyrchah ya ki kot puræ du neidaw wa em ka Election: Rakkam

January 10, 2025

Ka Finance Minister da pyntip ko leh wa palat 100 tylli ki Airport daw pynchna hadooh u 2024 yow kyrchaan yaka Udaan scheme. Da ong ko leh wa i lai luti da ki lieñsuiñ hapoh ka ri da ku bha i lada wyrchaw wa kiwi ri waroh, wei i boon ki lien suiñ da yooluti u ki i na 600 tylli cha 1200 tylli ha ini i por.

Da pyntip ko leh wa da em ka thong wow pynku yei yoh nong ki warep da ar chah manda poi u 2022, da pynbna ko leh yei wai paidbah yaka “Krishi Udaan” wa wan naka Ministry of Civil Aviation on International & National routes. Kani man ko yow pynku yaka thaaiñ North-East.

Ka Union Finance Minister, da tyrwa ko leh wow booh T. 22000 klur neibynta ka Power and Renewable Energy Sector ha u 2020-21. Da kyntu ko leh ya waroh ki jylla wa ki Union Territories yow kylliang noh ya ki Meter bordiñ warim cha ki “Smart Meters” ha kini ki 3 snem wow wan yow pynkylla noh yaka DISCOMs.