15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ha khappood ka Bangladesh pynkha chnat ka Seiñkur Bahkhla

0 Comments

Ka Seiñkur Bahkhla Central Body ynne ka sngi da pynkha ko ya ka chnat krehkaam wa thymme ha Lumchnong ya kawa tip kam ka “Seiñkur Bahkhla Narpuh Border Circle” ha ka yalang wa tbian ha Lumchnong Cmmunuty Hall, Lumchnong, East Jaiñtia Hills.

Ya kani ka yalang da pynlai da u Tyrnit Pdein Sana uwa man u kam u Vice President ka Seiñkur Bahkhla Central Body.

Ya kiwa kitkaam ka Seiñkur Bahkhla Narpuh Border Circle da pyntun ya ki kyntien kular da u President ka Seiñkur Central Body u Damewanhi Rymbai.

Ha kani ka sngi da yoh leh ya ki kyntien lamphrang na u General Secretary ka seiñkur u Joinly Ksoo uwa khana ya ki rukom krehkaam wa i lai luti ka seiñkur.

Kiwi tawon wa da klam ha kani ka sngi toh u Asst. Secretary u Ribun Sana, u Lening Rymbai, u Dr. Wishming Ryngkhlem, ka Heavenly Ryngkhlem wa kiwi kiwi na ka thaaiñ.  

Kiwa kitkaam ka Seiñkur Bahkhla Narpuh Bordar Circle man ki kamni ha wah:

  1. President: U Everlasting Rymbai 
  2. Vice President: U Phrom Rymbai 
  3. General Secretary: U Dametreyo Rymbai 
  4. Treasurer: U Riwailang Rymbai 
  5. Advisor: U Phulman Rymbai

Ya ka yalang da pynkut da ki kyntien khublei na u Ribun Sana uwa man leh kam u Asst. Secretary ka seiñkur.

Previous
Next

0 Comments

Leave a Reply