Katkam wa pyntip ki pulit, u B. Rymbai da ujor u wa haka 21-01-20 da yaklam u wa uwi u bru ha Facebook uwa pyrtuid Syed Taskin Warish, uwa kam toh uwa kreh kam u chipai Army ka 124 Bn, Jat Regiment, uwa katni wa em ha Siliguri, West Bengal yow thied ya kawi ka kari Maruti Alto-800 katkam wa da Advertise ha Facebook wei da su u T. 30,100 katkam wa paan uwa chah pynbaad tangwa uwa ujor hadien da sñiawthooh u wa da chah thok u.
Ka Vivicia da ujor ko haka 23 tarik de chah thok ko ha uwi u bru wa tip kam u Manish Bidlan T. 4,000 yow thied ya kawi ka miaw Persian Cat, katkam wa da Advertise ha OLX.
Ka Pratilin Kharkongor da ujor ko wa ha u Naikhynde 2019, uwi u bru wa tip kam u Vikram Gupta da yaklam u waka ha Facebook wa em u yaka Company Courier ha Delhi wa pyrtuid “Vikram Gupta” wei da pynchlur u yaka wow thap poisa ha ini i khih u wei daw yoh kylliang palat ya iwa da e ko wei hadien ini da thap poisa ko boonsien ha kiwa boon ki Account tangwa da sñiawthooh ko wa da chah thok.
Haka 30 tarik, u R. Nongkynrih uwa kreh Jio Point Reliance, Jio Infocom, Shillong da ujor u wa uwi u bru wa tip kam u Ajit Baisnab, Jio Point Manager, da tooh u T. 1,99,000. Hadien da mynjur u wow su biang ya kani ka poisa tnagwa hadooh katni da su u du T. 50,000.
Discussion about this post