U heh ka sorkar Pakistan ha China, ka Naghmana Hashmi da ong ko wa ki thaw sumaar (Hospital) ha China dang biang ki wow sumaar ya u khñiang Coronavirus katwa kamtæ ym lithooh ko ya ki bru yong ka na sorbah Wuhan kamwa da leh da kiwi ki ri.
Da ong ko wa ki Hospital ha Pakistan ymbiang ki wow ye u sumaar ya ki bru wa em khñiang Coronavirus.
Chooh chooh da ong ko wa ka China em ko ki thaw sumaar wa miat tam wow sumaar ya ki bru wa em uni u khñiang wei ka Pakistan yakrehlang bha ko wa ka China wow pyntikna wa ki khynnah Pakistan ym chah ktah ki ha Wuhan.
Kamwa man katni soo ngut ki nong Pakistan da yoh ki ya uni u khniang wei dang em ki hapyrdi i chah sumaar.
U montri ka chait i khiah ka Pakistan, u Zafar Mirza da ong u wa ka Pakistan ym bood ko ya i leh kiwi ki ri wow lithooh ya ki bru yong ki na Wuhan neibhah ym kwah ko wow leh iwon iwon i wow poor uni u khñiang.
Ka Pakistan daw chah ko u liwan ki bryu yong ka du hadien wa kset (Quarantine) ya ki ar tayaw wei du hadien wa yoh ki ya ka Certificate wa ym em ki uni u khñiang.
Ini da mih i hadien wa poor ki Video ha ki Social Media wa kyrpaad ki khynnah puræ ka Pakistan ha Wuhan wow wan thooh noh ya ki.
Discussion about this post