15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

E yarap u Kyrmen ya ki bru tymmen ka Constituency yong oo

0 Comments

Ki bru tymmen ka Khliehriat Constituency kiwa da em 70 snem i rta, da yoh yarap ki lyngba u MLA yong ki u Kyrmen Shylla uwa man leh u montri ka sorkar jylla haka yalang wa pynman haka chi tarik uni u bnai ha Byndihati heiwa da e sñiawbha u cha ki da ki kymmor kamjooh ka poisa kam ka bai lai bai wan yong ki.

Ha kani ka yalang e sñiawbha kawa e pyrtuid kam ka Joy of Giving, u Kyrmen hawa e yei klam da e khublei u ya ki tymmen kiwa man kam kiwa saiñdur ya waroh yow pynsuk ya kiwa wan hadien deiwa kreh chitom ki khlem da pyrkhat yei yong ki samen wei kiwa man kiwa yaichah.

Da ong u leh wa toh u man ki kiwa chngaiñ hei pyrkhat pyrdaiñ ym toh wow pyrkhat yei kut ki sngi yong ki wei wow e ngooh ya u Blai wa da e u ya ki ya ki snem wa boon wei da yoh ki leh ya ki khon ksu khon miaw.

Neiliang uwi na ki bru tymmen da ong u wa ini man ko ka sien wa nyngkong wa yoh yarap u na ki MLA.

Ha kani ka sngi da em leh u pa u Kyrmen Shylla, u Kor Sympli, u waheh chnong ka chnong Tuberkmaishnong, u Jiedlang Sana kiwa da e khublei ya u MLA wa da e mynsien u yaki bru tymmen yow sñiaw ki wa ym em mylliñ ya ki wei burom leh ya ki.

Da emlang leh ki waheh chnong kiwi ki chnong ha kani ka sngi.

Previous
Next

0 Comments

Leave a Reply