Ym ye u kular iwon iwon neibynta i yarap poisa ya ka JHADC: Conrad

Jowai: Ynne ka sngi u Conrad Sangma hawa yaklam wa kiwa pathai khubor ha Jowai hawa kylli hajrong i duna poisa ka JHADC wei i wym yoh tulop kiwa kreh yong ka, da ong u wa ka sorkar jylla da pynlait ko kamwa T. 45 klur neibynta ka JHADC ha u snem 2019-20.

Da ong u wa ka poisa neibynta uni u snem 2019-20 aw jan waroh dadep su ya ka Council.

Chooh chooh da ong u wa neiliang ka Council da pyntip ko wa em ka poisa wa toh u yoh wa dang sahteiñ ha ka sorkar wei daw bichaar ya kini.

Neiliang u Conrad da ong u wa ka poisa wa kam ka Council wa dang sah toh nadooh u snem 2013-14, 2014-15, 2015-16, 2016-17 tangwa ympu ye u ong iyi iyi hajrong ini neibhah wym em ki sahep ka chnat Mining kiwa ye u pynsakhiat yeini ynne ka sngi.

Related posts

Pynbna ka NPP ya ka thup wa le ki kyrtong MDC cha ka JHADC

January 15, 2025

Lada ka District Council wiar ko, ka jaitbru leh daw wiar ko: Rikut Parein

January 14, 2025

Da ong u wa ka sorkar chem chitom ko hajrong ka poisa poilaiñ tangwa daw yaleh ko katwa ye wow pyndap yeiwa duna.

U Conrad da ong u leh wa daw yaklam wa ka chnat poisa poilaiñ ka jylla namo ka Finance Department hajrong ini tangwa ymye u kular iwon iwon neibynta i yarap poisa ya ka JHADC.