Shillong: U montri rangbah ka jylla, u Conrad Sangma ynne da wai u ya ka Meghalaya Police Academy ha Umran, Niangbyrnai, Ri-Bhoi District hei emlang u montri ka kaam pohyung ka jylla, u James K. Sangma.
U Conrad hawa e i klam da ekhublei u ya waroh kiwa embynta wow sdang ya kani ka Police Academy ka jylla ka wow esikai ya ki pulit ym du na ka jylla tangwa wot na kiwi ki jylla leh kamjooh. Da ong u wa kani ka thaw daw ye ko u pyndap yei dawa hapoh ka jylla.
Da ong u wa katkam i dawa hapoh ka jylla emkaam leh ya ki thaw wow esikai iwa janai ya ki pulit ka jylla.
Chooh chooh da ong u wa boon i por ki pulit ka jylla da pynlut hei wow yakhun pyrchah ya ki seiñ kieñ suloi ha ki snem wa dadep wei katni da ye u wanrah yei chongsuk wei da man ki kiwa da pynkhreh khamtam ha kani ka juk.
U James Sangma da ekhublei u ya waroh ki chnat kiwa da embynta wow chna ya kani ka thaw esikai deiwa ekhublei kyrpang ya ka Ministry of Home Affairs kawa da kyrchaan wow chna ya ka.
Da ong u wa ka Meghalaya Police Academy daw esikai ko ym du ya ki pulit ka jylla tangwa wot ki pulit na kiwi tawon ka jylla.
Ha kani ka sngi da emlang leh u Chief Advisor to the Government u D.D. Lapang, u MLA wa u Chairman ka MGCC, u J. Mawlong, Additional Chief Secretary, Home, ka R. Suchiang wa u DGP Meghalaya u R. Chandranathan.
Discussion about this post