Shillong: Ka Meghalaya da jop ko yaka Sikkim da 66 Run haka yalehke Ranji Trophy wa pynman ha Mangaldai, Assam ynne ka sngi.
Deiwa pteiñ na 66/7, ka Sikkim emkaam ko 136 Run yow jop, heiwa u Iqbal Abdulla, uwa da kamai chwa 30 Not Out da pynyoh kyrmen u wow jop. Ka Sikkim da Bat ko sa 21 Over tangwa da haap lut ki Wicket ko hadien wa kamai ko 135, heiwa u Abdulla da neh u khlem haap deiwa kamai 76 Not Out.
Yaka Meghalaya uwa yalehke kam u Guest-Professional u Sanjay Yadav da pynkut u yaka Innings wa ar deiwa yoh 5/51, tangwa u Abhay Negi da yoh u yei naam Man-of-the-match. Da yoh u 4/41 haka Innings wa ar wei waroh da yoh u 11/83. U Chengkam Sangma leh da yoh u wow pynhaap Wicket (1/2).
Haka U-23 Col CK Nayudu Trophy, ka Meghalaya da pynkut ko yaka sngi wa nyngkong pyrchah yaka Nagaland da 69/1 haka Innings wa nyngkong deiwa booddien yaka Nagaland kawa kamai 192 Run da 123 Run.
Ka Nagaland da jied ko wow Bat nyngkong hadien wa jop ko yaka kylla khlem wei da haap lut ki Wicket ko ha ki 57 Over. U Anish Charak (4/40), u Himan Phukan (2/25), u Adarsh Joshi (2/48) wa u Elchiang Ch Momin (1/21) toh kiwa yoh u pynhaap Wicket yaka Meghalaya.
Ka Meghalaya hawa Bat ko da dooh ko ya u Ibitlang Thabah uwa kamai 12 Run, tangwa u Kishan Lyngdoh (16 not out) wa u Rohit Shah (31 not out) da Bat ki hadooh wa kut ka sngi.
Discussion about this post