Shillong: Ka Mizoram da ye ko wow ksoh biang yei naam Champion haka Hero Junior National Football Championship yaka Dr. BC Roy Trophy deiwa jop da 5-4 haka yachut Penalty pyrchah yaka Punjab ha JN Stadium, Shillong ynne ka sngi.
Ka Mizoram da yoh ko wow thap kool nyngkong haka minit wa 32 lyngba u Malsawmtluanga tangwa ka Punjab da su kylliang ko ya kani ka kool ha ka minit wa 49 kawa thap u Tania Raji. Ka yalehke da poi ko cha ka Extra Time tangwa ym em wa yoh u thap kool. Manda poi haka yachut Tie-breaker ka Mizoram da thap ko waroh 5 tylli katwa ka Punjab da dooh ko ya kawi.
Ka Punjab da chah thap kool ko haka sien wa nyngong ha kani ka lympung yaleh bol i tæ hadien wa 480 minit ka yalehke haka 2019-20 Dr. BC Roy Trophy.
Ha kani ka sngi da emlang leh u All India Football Federation Vice-President wa u Meghalaya Football Association President u Larsing Ming Sawyan, deiwa sakhi lang leh ki heh ka AIFF, MFA wa kiwi ki Association kiwa napoh ka jylla.
Discussion about this post