Ujor ka UDF cha HC wa pynkrehkaam yaka Administrator Rule ha KHADC, daw bichaar ha ka 14 tarik

Shillong: Uwa yahkhmat ka kynhun ki MDC kiwa em hapoh ka lama United Democratic Forum (UDF), u Latiplang Kharkongor da pyntip u wa ka UDF ynne ka sngi da dep ko wow ujor cha ka kachari Meghalaya High Court hajrong i pynmih hukum wow pynkrehkaam da ka synchaar Administrator Rule (AR) ha KHADC da u Lat ka jylla lyngba i e yumut yong ka sorkar.

U Kharkongor da pyntip u leh wa ka kachari yong ka Meghalaya High Court daw ap ko ya kani ka ujor wow e yaka rai ha ka 14 tarik kani ka tayaw.

Kam wow pynkynmoo wa haka 7 tarik uni u bnai, neiliang yong u Lat ka jylla da mynjur u ya ka hukum yong ka sorkar jylla wow pynkrehkaam noh da ka AR hapoh KHADC wei da thung ya ka Deputy Commissioner ka EKHD wow pait ya ka kaam yong ka Council katkam i bor wa da pynkup da ka Sub para (2) yong ka Para (16) yong ka Sixth Schedule.

Ha iwi i liang, u Latiplang da ong u wa waroh 15 ngut ki MDC kiwa man ki dkhot yong ka UDF man ki kiwa ya tylli iwi donhi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Latiplang da pyntip u leh wa ha ka yalang ynne ka sngi, ki 15 ngut ki MDC wa em ha ka UDF da ya soi ki leh wow pyntikna wow neh bait ki waka kynhun.