Ka sorkar jylla ynne ka sngi da pynmih hukum ko wow pynkylla ya ki chnat sorkar wa ksoh ki soo ngut ki montri sorkar wa kynthup ya u James Pangsang Kongal Sangma uwa da dooh yaka chnat kaam pohyung (Home).
Kiwi de montri kynthup ki ya u Alexander Laloo Hek, u Lahkmen Rymbui wa u Hamlet Dohling.
Ya u James Sangma da e cha oo yaka chnat Taxation, Power, Food, Civil Supplies & Consumer Affairs, Law Information & Public Relations.
Ya u AL Hek won u pait u yaka Health & Family Welfare, Home (Jail), Home (Passport) waka Arts & Culture.
U Lahkmen won u pait u yaka Home (Police), Forest & Environment, Border Area Development waka Education.
U Hamlet won u pait u ya ka Urban Affairs, Municipal Administration, Information Technology waka District Council Affairs.
Ini mut wa yaka chnat Home wa jooh ksoh u James wa kynthup yaka Home (Passport), Home (Police), Home (Jail) wa yaka District Council Affairs da yabhah ha u Hek, u Lahkmen wa u Dohling.
Ini i rai ka sorkar da wan i hadien wa pyrchah kiwa boon wa em haka sorkar MDA yei rukom pynkrehkaam u James yaka chnat Home.
Discussion about this post