Pyndooh ka sorkar yaka chnat pohyung na u James Sangma

Ka sorkar jylla ynne ka sngi da pynmih hukum ko wow pynkylla ya ki chnat sorkar wa ksoh ki soo ngut ki montri sorkar wa kynthup ya u James Pangsang Kongal Sangma uwa da dooh yaka chnat kaam pohyung (Home).

Kiwi de montri kynthup ki ya u Alexander Laloo Hek, u Lahkmen Rymbui wa u Hamlet Dohling.

Ya u James Sangma da e cha oo yaka chnat Taxation, Power, Food, Civil Supplies & Consumer Affairs, Law Information & Public Relations.

Ya u AL Hek won u pait u yaka Health & Family Welfare, Home (Jail), Home (Passport) waka Arts & Culture.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Lahkmen won u pait u yaka Home (Police), Forest & Environment, Border Area Development waka Education.

U Hamlet won u pait u ya ka Urban Affairs, Municipal Administration, Information Technology waka District Council Affairs.

Ini mut wa yaka chnat Home wa jooh ksoh u James wa kynthup yaka Home (Passport), Home (Police), Home (Jail) wa yaka District Council Affairs da yabhah ha u Hek, u Lahkmen wa u Dohling.

Ini i rai ka sorkar da wan i hadien wa pyrchah kiwa boon wa em haka sorkar MDA yei rukom pynkrehkaam u James yaka chnat Home.