Ki nong India wa kreh hapoh ka jhaad Diamond Princess Cruise Ship da paan yarap ki na u montri rangbahdooh ka ri, u Narendra Modi wow lithooh ya ki napoh kani ka jhaad.
Katkam ka Video ha ki Social Media wa da booh da u Binay Kumar Sarkar chirup wa ki lok yong oo da kyrpaad ki na ka sorkar wow wan thooh ya ki.
U Binay da ong u ha ka Video wa la 66 ngut ki wakreh ka jhaad da yoh ki ya u khñiang Coronavirus.
Da kyntu leh ya ka United Nations (UN) wa u Modi wow booh noh ya ki nong India jar jiar na kiwi wei wow wan thooh noh ya ki.
Ka ri Japan da khangkset ko ya kani ka jhaad harood ka sorbah Yokohama neibhah wa boon wa yoh ya u khñiang Coronavirus hapoh yong ka khnang wow lait uni u khñiang u poor chawi.
Hadooh ynne kiwa yoh ya uni u khñiang hapoh ka jhaad da kynjoh i cha ka 174 ngut.
Discussion about this post