Shillong: Ka Director of Sports and Youth Affairs da pyntip ko wa kiwa em yei sap ha ki yalehke Sport naka thaaiñ daw sylli (Screened) ka SAI ki haka tarik wa daw pynbna hadien, yow yoh ki u psiah cha ka Sports School hapoh ka State Level Khelo India Centre wa pynlai daka Assam Rifles Public School (ARPS), Laitkor Shillong ha ki yaleke Athletics, Archery wa Fencing.
Kiwa yalehke wa kwah u chah jied toh u man ki kiwa puræ Class VI hadooh IX wei hadien wa chah jied ki daw yoh ki u lai puræ ha Assam Rifles Public School Laitkor, Shillong wei waroh ka bai lutsan nadooh ka bai sah, bai baam waka bai puræ daw bahkhlieh daka ARPS. Waroh daw jied 100 ngut kiwa em yei sap (50 ngut ki chnynrang wa 50 ngut ki kynthai) naka thaaiñ North-East. Ya kiwa wan chakhmat daw hap ki wow leh yaki Fitness waka Sports Test ka wow pynman daka Sports Authority of India (SAI) wei heipor wa pynman yei jied daw hap pynlut poisa na ki hi.
Kiwa kwah u chah jied hap li e ki ya ki Application wei yaki Form u yoh na ki District Sports Office. Kiwa yaleh hap ki leh wow wanrah yaki Certificate yow pynsakhiat ya iwa da jooh jop ki wei wow rah leh yaka Birth Certificate kiwa toh u li e cha ki District Sports Offices, Directorate of Sports and Youth Affairs ha namwo chwa ka 09-03-2020. Kiwa ym ye u pynbiang ya ki kot ki sla wa emkaam daw chah kyntait ki.
Yaka yutip wa bniah lada emkaam ye wow yachem wa u Jasper Marak, Deputy Director, Sports and Youth Affairs, Shillong lane wa ki District Sports Officer.
Discussion about this post