Ynne ka sngi ki dkhot (Delegation) ka ABVP Meghalaya da yachem ki ya u Dr. Ramesh Pokhriyal Nishank uwa man u montri ka sorkar pyrdi wa pait ya ka chnat Human Resource Development ka sorkar pyrdi.
Ya uni u montri, ka ABVP da yachem ko heipor wa wan pait u ya ka thaw puræ NIT Shillong.
Ha ini i yachem da yaklam hajrong ka phang wa boon khamtam wa yatoh wa i puræ puthi hapoh Meghalaya.
Da yaklam hajrong i eh i khoo wa yachem ki khynnah ha i puræ puthi khamtam ka kyrdan Post Graduation ha ki College waphær waphær khamtam ha ki Govt. Degree College wa toh u pynku kyrdan ya ki.
Chooh chooh da yaklam leh hajrong ka NEHU wa emkaam wow pynboon ya ki Seat neibynta ka Post Graduation neibhah i wym biang ki Seat ha NEHU ki khynnah napoh jylla da chah pynbor ki wow lai puræ cha baar ha ki thaw puræ ki bru samen namo ki Private University kiwa syad.
Hajrong kini waroh neiliang u montri da kular u wow chimkhia ya ki.
Kani man ko katkam ka yutip na ka Darilin Tang, State Secretary ka ABVP Meghalaya.
Discussion about this post