15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Nadooh ka sngi nyngkong daw emlang ki bru ka MPLU wa HTTA ha Toll Gate Ri-Bhoi

0 Comments
Advertisement ad1

Nongpoh: Ka Meghalaya People Labour Union (MPLU) deilang waka Hynniewtrep Tourist Taxi Association (HTTA) da hiar ki wow yaklam wa kiwa pynlai ka Toll Plaza kawa em ha 20 mile Ri-Bhoi. Ini i lai yachem toh hadien wa wa ood kiwa yah kari Tourist heiyatoh wa i rukom su bai Gate. Ha kani ka lai sylli da emlang leh ki pulit ka Ri-Bhoi.

Ini i lai tuklar ka MPLU wa ka HTTA toh hajrong i syad ka bai Gate wa kiwi kiwa ktah bha wei manda ka Scanner yong u FASTag ym krehkaam u, ki kari hap ki wow su daka poisa ya ka bai Gate, tangwa nalor wa da dep su, dang chah khate biang naka Bank kawa man wa hap su arsien ha i jooh i por.

Hawa ki seiñ da ka kylli ya i daw wa sahkut ki kari wa i wym pynemkaam ya kawi ka luti (Lane) na u Manager ka Tollgate u Krishna Mohan Mishra da e u boon ki daw wa kini ki ar seiñ ym sñiaw yahap ki.

Hawa yaklam wa u President ka MPLU, u Erwin Syiem Sutnga da ong u wa ym sñiaw yahap hajrong ini i chimkabu ka Tollgate ya kiwa yah kari khamtam ya kitu kiwa kamai mylla sngi. Ha kani ka sngi deilang wa i mynjur lang u DSP Traffic ka Ri-Bhoi da rai wow booh noh da ki bru yong ki hi hapoh kani ka Gate nadooh ka sngi nyngkong wow wan yow chem yei eh kiwa yah kari wei khamtam wow pait bniah yaka rukom krehkaam kani ka Toll Gate.

U Erwin da pynsñiaw u yei sñiawphylla leh wa ka DC yong ka Ri-Bhoi da khut ko wow yaklam du ya ki bor ka NHAI, kiwa pynlai chnong ka 20 Mile wa ki tre thaw, katwa ya ka MPLU wa ya ka HTTA kiwa da booh ya ka ujor hakhmat ka DC ym em khut ya ki.

Neiliang yong u President ka HTTA, u Kordor L Mawlong da kyntu u ya kiwa yah kari kamai kamjooh ki kari samen wa lada em iwon iwon i eh, wa toh u mih ki chakhmat wow pynsñiaw ha ki bru ka seiñ kiwa da booh wow em ha katei ka Toll Gate nadooh ka sngi nyngkong.

(Feature Image-Representational)

Share this:
Previous

Ha u montri ka sorkar pyrdi pynsñiaw ka ABVP yeiwa emkaam ka puræ puthi ha jylla

Next

I sñiawngooh na kiwa hayung hasem ka (L) Dalit Ryngkhlem