Shillong: U kyrtong ka UDP wow yakhun ya ka Election MDC chiteiñ samoi na Langrin, uwa man leh u MLA ka Ranikor, u Pius Marwein da thap pyrtuid u ynne ka sngi ha yung krehkaam u Deputy Commissioner ka South West Khasi Hills, Mawkyrwat.
Hawa yaklam wa u Marwein, da pynsñiaw u wa i lai chakhmat yong oo ha kani ka Election toh neibhah wa em u i thmu wa khroo wow kyntu yaka thaaiñ hi waroh khamtam ya ka Langrin Constituency kawa dang sahdein ha kiwa boon ki liang kam ki luti ki syngkieñ wa kiwi kiwi.
Da ong u wa kam u khynroo, dang thrang u wow kyntu ya ka jaitbru waroh ym du yaka thaaiñ yong oo wei ya waroh ka ri Khasi khamtam wow pynbha ya i krehkaam ha KHADC, khamtam kamwa da yoo katni wa em ki kynrum kynram ki wym lai bait. Da ong chooh chooh wa lada poi cha ka thong, kwah u wow chna thymme wow yaklam sñiawthooh lang ya ki eh waroh.
Ha i jooh i por da e khublei u ya ki paidbah, kiwa kyrchan yong oo khamtam kam ka Constituency kawa da dooh noh ya u (L) Nasar Marwein, wei daw boodien u ya ki kaam wa sahteiñ yong u MDC warim.
Discussion about this post