15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da pynkut yei lehkmen dap 100 snem ka Iungwalieh Loomkyrwiang

0 Comments

Jowai: I lehkmen dap 100 snem i Iungwalieh yong ka dorbar chnong Loomkyrwiang, Jowai kawa da seiñ nadooh u snem 1920, hajrong ka yurim wa ki khon ka chnong u yoh ki wow yachemlang lyngba i pynman yei lehkmen waphær waphær nalor wow pyndep yaka”Bam Phalar wa chisien chisnem wa kiwi ki kaam chnong kam thaw, dapoi ko cheiwa kut haka 15 tarik u thohlakhmi.

Hawa sdang kani ka Iungwalieh toh kawa dei yungtrep wei da sdang u chna dei yung khyndaw-bilat nadooh u snem 2010, da ye u pyndep wei wai won yaka haka 10-02-2017 hei lut wa T. 57,06,953 lak lyngba i yarap kiwa mihkhmat nadooh ki MP, MLA, MDC, ki chnat sorkar waphær waphær nalor i e sñiawbha ki paidbah wa kiwi kiwi.

Advertisement ad1

Ha kani ka sngi pynkut da wan emlang u Vincent H Pala MP ka Lok Sabha, u Wailadmiki Shylla MLA 2-Jowai Constituency, u Andrew Shullai Local MDC, ki bru waheh naki dong  waphær waphær, ki dkhot chnong wa kiwi. 

U kongsan u Vincent H Pala hawa e yei klam da yaroh u yei kynjoh 100 snem kani ka Iungwalieh heiwa da ye leh u chna yaka yung wa paka, ini waroh pynyoo toh  wa em i yatylli kiwa chong chnong. 

Da pynrap haroh u waka Iungwalieh hi toh ka thaw wa ye u wanrah yei bha ki khon ka chnong deiwa pynman ki yalang waphær waphær, wei nalor wa pynwyrngia yaki khon khynro khyllood yarap ko leh wow kyntu kynrong yei sap i Talent yong ki.

Neitæ da e yaroh u ya waroh ki bru waheh wasian wada embynta ha kani ka yung wei O leh yooluti u wow yakrehlang næ yarap yeiwon iwon i emkaam yong ki.

Neiliang u Wailadmiki Shylla kmen u wow yoo wa kani ka sngi man ko kawa jop, heijooh i por ini i lehkmen man ko chibynta i leh wurom yaki bru waheh wada embynta wow seiñ ya kani ka Iungwalieh, wei u pynkynmoo haroh wa hadooh katwon wa maad yei eh i khoo hei lai luti yow yoh ya kani ka Iungwalieh.

Iwa sah kattu ong u wa toh ka kamram yong waroh u sumaar syndong yaka yow nangphooh nangkrai ko neipor cheipor, wei kyntu haroh u wa han haka pyrthei katni da nangku i stad i chemphang, ka spah ka phaw leh tangwa wym hoi won u myllin yaka imlang sahlang.

Ha kani ka sngi nalor wada pyllait yaka Sovenier yong ka dorbar chnong da leh burom haroh ya ki kattu katni ngut ki waheh ka chnong, wei da pynchongchit pynka-it chooh chooh ya kani ka sngi dei rwai i chaad naki khon ka chnong.

Previous
Next

0 Comments

Leave a Reply