Shillong: U MLA ka Mawshynrut, u Gigur Myrthong da kyntait u yei pynbaad ka HNLC wa krehkaam Benami u, deiwa kaam wa nadooh u snem 1995 da kreh u yei yong oo hi ka kaam wei ini i chah pynbaad man ko kawa khlem yurim.
Hawa yatoh wa ki karkhana kiwa em ha Shallang kiwa chah pynbaad kreh Benami, u Myrthong da pynche u wa ya kitai ki karkhana da pait da ka chnat sorkar kawa e ya ka License, wei kam uwa mihkhmat ka thaaiñ ym ye u wow tuklar iyi iyi leh.
Da ong chooh chooh u wa ka chnat karkhana da em ko yaka luti wow pait bniah ya ki kot ki sla, yow pait wa ki tre khyndaw, ki tre chnong da e ki ya i mynjur wei i pynbaad wa leh Benami u ym em iyi iyi wa sakhiat.
U MLA da pynsñiaw u yei sñiawsih hajrong ini i pynbaad yong ka HNLC kawa da mih ha ki laad pathai khubor wei da pynche chooh chooh wa hadooh katni ym jooh kreh Benami u wei da kreh ha i pyrtuid yong oo hi wei da i bor yong oo hi ym toh deiwa dai yei pyrtuid.
Ha kawi won ka liang da ong u wa HNLC kam ka seiñ kawa biang i pyrkhat ym toh du wow pynbaad wei toh u thooh bniah chwa yei sakhiat.
Kam wow kdaw heini, ka HNLC hawa kaam wa pynpdung Bomb IED ha kawi ka karkhana kawa em ha Shallang, da ong ko wa ini i pynpdung Bomb ha ka karkhana Coke da leh neibhah wa kam ko wa da leh kaam Benami u Gigur Myrthong wa u Dharmi uwa na Rajasthan.
Discussion about this post