Neiliang ka HYC Seiñbei ryngkat wa ka HYC West Khasi Hill District wa ka HYC Rimuliang Circle ha ka 24 tarik da lai ko cha Umwali, Langpih wow yachem ya kiwa chong chnong ka thaaiñ hadien i wan thombor ka Assam wa i boh thaw sah pulit ha Umwali.
Neiliang u President ka seiñ, u Robertjune Kharjahrin da e burom wei da yaroh u ya kiwa chong chnong, kiwa kitkaam chnong wa ki tre thaw kiwa da yieñ pyrchah ya ki pulit Assam.
Da ekhublei u leh ya ki pulit wa ka District Administration ka West Khasi Hills kiwa da em ryngkat wa ki paidbah deiwa kyntu u leh ya kiwa chong chnong u maan ki kiwa yatylli.
Ka seiñ da dawa ko wa ka sorkar wow booh pulit wa ki Outpost kiwa biang ha kani ka thaw wow yada ya ki paidbah kamjooh leh da dawa wa da toh i por wa ki le sorkar, kitæ ka sorkar India, sorkar Meghalaya wa ka sorkar Assam wow pynbait noh ya u pood ka jylla. Neibhah du hadien wa pynbait ya u pood daw ye u wanrah yei chongsuk.
Discussion about this post