Shillong: U Montri Rangbah ka jylla uwa man leh uwa yahkhmat yaka Meghalaya Democratic Alliance (MDA) da ong u wa ki seiñ saiñpyrthai kiwa em ha kani ka sorkar da rai ki wow em bait du uwi u kyrtong wa mihkhmat kam u MP cha Rajya Sabha.
Ka yalang yong ka Meghalaya Democratic Alliance (MDA) kawa man ynne ka sngi da yaklam ki hajrong ka Election MP cha Rajya Sabha ka wow man haka 26 tarik u Wisu (March).
Hawa klam wa ki laad pathai khubor hadien ka yalang ka MDA, u Conrad da pyntip u wa ha kani ka yalang da thung ya ka Election Committee wow bichaar neibynta wow yoh ya u kyrtong wa hunlang da waroh, wei kani ka Committee daw chong ko ya ka yalang ha ka sngi wa nyngkong wow wan yow bichaar ya u kyrtong.
Ya kani ka Committee daw khlieh da u symbood montri rangbah, u Prestone Tynsong wa ki dkhot yong kani ka Committee kynthup ki ya u President ka UPD, uwa yahkhmat ka PDF, NCP, Indipendent, BJP wa HSPDP.
U Conrad da ong u leh wa ki seiñ saiñpyrthai daw yachem ki hapyrdi yong ki ha kini ki sngi wow rah ya i sñiaw cha ka Committee.
Discussion about this post