Shillong: Ka Motphran kawa da kylla kam kawi na ki thaw pyrdi wow pynman ya ki yakhih ha kini ki snem wa da lai, ha kani ka kynti dap ko da ki pulit kiwa da ku leh cha ki yung mala kiwa em soodong katai ka thaw.
Ynne ka sngi heipor janmiet, u Director General of Police (DGP) ka jylla, u R. Chandranathan da lai u wow sylli hi ya ka Motphran wa ya ki rukom pynkhreh ya ki bor pulit heiwa da pynboon archah ki pulit wow khanglaad na kiwon kiwon ki yakhih kiwa ye u mih.
Da pynboon ya ki pulit ha Motphran nadooh wa da mih i yakhih khar metor ha u snem 2018, kawa da bood won sa ka yakhih pyrchah CAA/CAB ynnin u snem da ki seiñ waphær waphær.
I pynkhreh wei pynboon ya ki pulit ha Motphran ynne ka sngi toh wow yada wei khanglaad ya ki yakhih kiwa ye wow ktah ya ka suk ka saiñ ha nongbah Shillong.
Ka Motphran da lyngam ko nadooh ka 28 tarik u bnai wa dep hadien wa ki bor pynlai District da pynkrehkaam ki da ka Curfew hadien wa mih i kynad ha Ichamati wow khanglaad yei poor yong kani ka kynad cha kiwei won ki bynta ka jylla.
Discussion about this post