Ka Jaiñtia Youth Federation (JYF) da dawa ko na ka sorkar jylla wow pyndam chwa ya ka tamasa Meghalayan Age kawa da thmu wow pynman nadooh ka 7 tarik hadooh ka 15 tarik uni u bnai neibhah wa kani ka tamasa kawa daw man daw pynemkaam ko ya ki tanghæng ki wow pynthut ya ki khynnah wa dang yaleh ya ki Exam wa boon wa dang sdang.
Ka seiñ ka sñiaw ko wa i pynman ya kani ka tamasa ha kam kini ki por daw pynwit lut ko yei pyrkhat ki khynnah wei ym ye de ki wow pynlai yumut hei khreh kot iwa daw ktah bha ya ka Exam yong ki. Chooh chooh ka seiñ da ong ko wa kani ka tamasa daw booh ko yei chait i khiah wa yei mynsien bru hei maa wa khroo neibhah ha kani ka tamasa ki bru na kylleiñ ka pyrthai daw wan ki wow ya chimbynta wei leh sñiawbha. Wei lada du uwi u bru wa em ya u khñiang COVID-19 u wan u cha kani ka tamasa, itæ mut la kam wa thang diñ ya ki chnong yong i da diñkot wa chi tyngka.
Ka seiñ da ong ko leh wa kamwa tip wa hadooh katni ym em ki laad ki luti kiwa ye u khang ya i poor uni u khñiang. Hajrong ini, ka seiñ ka pyrchah joor ko ya i pynman ya kani ka tamasa ha kitai ki tarik wei dawa wow pyndam noh chwa chi syndon wei wow pynman won yaka ha kiwi won ki por hawa ym em de i wit i thut ha kiwon kiwon ki rukom.
Discussion about this post