15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wan ki MLA ka Assam wow dawa e laad ya kiwa mylla wa sahkut u liwan yung ki

0 Comments
Advertisement ad1
Advertisement ad1
Advertisement ad1
Advertisement ad1

Shillong: Hapyrdi i thut ka chongsuk chongsaiñ hapoh ka jylla Meghalaya, ki MLA naka Assam ynne ka sngi da yachem ki wow montri ka kaam pohyung ka jylla yow dawa yei yada yow yoh u liwan kiwa mylla na Assam kiwa da sahkut ha Meghalaya.

Ka Boko MLA Nandita Das, u Rupjyoti Kurmi wa u Kamalakhya Dey Purkayastha da pyrchang ki wow yachem wa u montri rangbah ka Meghlaya tangwa ym yoh laad ki neidaw wa boonkaam u. Ki MLA ka Assam da sñiawkhia ki yei thut ka synchaar khadar hapoh ka jylla hadooh wa da ym yoh de kiwa mylla kiwa na Assam u liwan yung.

Kini ki MLA da yachem ki leh wa uwa yahkhmat ka liang pyrchah wow yaklam wa oo hajrong ini i jooh.

Hawa yaklam wa ki laad pathai khubor, ka Nandita Das da ong ko, “Em boon ki bru wa wan khih cha Meghalaya nadooh kiwa khayi pateiñ hadooh ki warep. Ki mar na Meghalaya da dai ya ki ha Assam wei kamjooh na Assam. Wei na ini wa jia ini wa dep, kiwa boon kiwa mylla wa wanrah da ki Contractor na Assam da sahkut ki ha Meghalaya. Kwah i wow yoh ki u liwan deiwa suk wei da dep yaklam ya ini wa u montri ka kaam pohyung u Lahkmen Rymbui. Wei da pyntip cha oo wa kiwa hayung hasem yong kini kiwa sahkut da khuslai ki wei ym yoh ki wow yaklam wa ki kamjooh wa da lut poisa ki. Neidaw ka Curfew ym yoh ki wow liwan yung. Da kyntu i leh ya u montri rangbah warim u Mukul Sangma wow e yaka luti wa suk yow ye ki u poi yung deiwa suk. Yooluti i wa ka sorkar Meghalaya daw ye ko u pynbiang smat ya ini.”

Katkam wa ong ka Das palat 500 ngut ki bru da sahkut ki katkam wa yoh yutip ko naka Boko Constituency.

Neiliang u Mukul da ong u, “Tip hi i wa i thut i pynkrehkaam yaka aiñ nadooh i jia ha Ichamati iwa da wanrah leh yei syier mynsien khamtam ya kiwa hayung hasem kiwa wan mylla chapoh ka jylla wa kiwa khayi pateiñ”.

Da ong u leh wa ka Meghalaya waka Assam toh kiwa emkaam kawi ya kawi nadooh ka khayi pateiñ, ka rep ka riang wa kiwi kiwi. Kamtæ toh u yaroh yei pyrchang yong ki wow wan kynjoh ktien waka sorkar, wei daw leh katwa ye yow ya pyntip kylliang khnang yow lait na iwon iwon i jia wa sñiawsih.

Share this:
Previous

Chong hei stat ka sorkar wow pyrkhat yei pynman yaka tamasa Meghalayan Age: Dr. Mukul

Next

Dawa ka JYF wow pyndam chwa yaka tamasa Meghalayan Age