Sdang ka Inter School Football Tournament yong ka West Jaiñtia Hills

Jowai : Ka Inter School Football Tournament (Subroto Cup) 2016 yong ka West Jaiñtia Hills da sdang ya ka ynne ka 14 tarik ha Kiang Nangbah Stadium, Ladthadlaboh heiwa da bhah ya ka yakop ha ka U-17 Boys, U-14 Boys, wa ka U-17 Girls.

37 tylli skur u chimbynta ki ha ka kyrdan U-17 Boys, 24 tylli won ha ka kyrdan U-14 Boys katwa 15 tylli won ha ka U-17 Girls. Waroh da em 76 tylli ki dhab kiwow yakhun heini.

Ya ka yalehke da pynman 5 sien chi sngi wa sdang nyngkong nadooh 8 waje i step.

Ynne ka sngi da sdang ka yalehke ha pyrdi ka St. Micheal & All Angel pyrchah ya ka Mihmyntdu Secondary School heiwa ka Mihmyntu da jop ko 7-0.

Related posts

Super Divison Saipung: Jop ka Narwan wa ka Pyrdung

November 25, 2024

Yoh takma ki ar ngut kiwa na East Jaiñtia ha ka lympung yakhun Karate wa pynman ha New Delhi

November 25, 2024

U Chomiki Chyrmang yong ka Mihmyntdu da thap u so tylli ki kool ha ka minit wa 31, 45, 50 wa 54. U Hadhilabet Ryngkhlem da thap u ar kool ha ka minit wa 3 wa 18 katwa u Fourme Ryngkhlem won da thap u ha ka minit wa 16.

Ha ka yalehke wa ar ka Shangpung RMSA da yaleh pyrchah ko ya ka David Edgard UP School Mukhad. Ha kani ka yalehke ka Mukhad da yoh ko u thap chwa ya ka kool wa nyngkong ha ka minit wa 20 lyngba u Nangroi Biam. Ka Shanpung won hadien ini da su ko ya ka kool wa nyngkong ha ka minit wa 23 lyngba u Rinohmo Sayoo. Da ban leh sa ar tylli ki kool ha ka kylla miet ha ka minit wa 49 lyngba u Arwan Iakai wa u Bantei Langstang ha ka minit wa 53.

Ha ka yalehke wa le won ka Padu Seconary School da yaleh pyrchah ko wa ka JNV Mukhla ha ka yaleh wa yathaiñ bha heiwa ka Padu da ye ko u pynrem ya ka JNV du chi kool don hi kawa thap da u Frewell Pohthmi ha ka minit wa 32.

Ha ka yalehke wa soo won ka St. Paul English School Mookaswan da yachem ko wa ka Mupliang UP School heiwa ka Mookaswan da jop ko da 3-0. Ya ki kool da thap da u Baiaishah Nongtdu ha ka minit wa 49 wa 55 katwa ha ka minit wa 20 da thap u Hilarious Phawa.

Ha ka yalehke wa khaddooh ha pyrdi ka Mynso RMSA pyrchah ya ka Mowtyrchiah Secondary School ka Mowtyrchiah da pynrem ko ya ka Mynso da 2-0. Ha kani ka yalehke da jop ka Mynso da ki artylli ki kool na u Nangseibor Shaap ha ka minit wa 9 wa ka 60.

Waroh san tylli ki yalehke ynne ka sngi toh yong ka kyrdan U-17.