15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoosar kwah ka sorkar MUA-II u tynyap i : MPUF

0 Comments
Advertisement ad1

Jowai : Ka seiñ Meghalaya People United Front, Central Governing Body (MPUF-CGB) da pynap ko yei sñiawkhia wei chrai wa joor hajrong i leh embor ka sorkar ha kiwa boon ki liang.

“I sakhiat toh wa ka sorkar toh u thooh ko ya ki laad ki luti wow yarap yoh kaam ya kiwa boon walang kat ha u yoo won mar dei kylla” da ong u President ka seiñ u ma Dawanpoimi Laloo.

Ka seiñ da pynkynmoo ko wa waroh chi kattu ki bru im pahooh ki deiwa kreh mooyong iwa da khang noh, neitæ sa u moochuni leh da khang, dang ha kini ki  sngi wa da dep da khang sa ya ki thaw wow thaw khia ki kari (weight bridge).

“Ini da ktah joor bha i ya kiwa kamai ja-kpoh na kini ki thaw wei neliang ka seiñ da pynrem joor i ya ini i  rukom leh ka sorkar. Yoosar ka sorkar MUA-2 yong ka Congress hapoh i yahkhmat u Mukul Sangma kwah ko tynyap ya waroh kiwa chong chnong ka jylla yong i” da ong ka seiñ.

Chooh chooh ka seiñ e yaroh ko ya ka sorkar wa man u snem ha ka 5 Naiynru jooh klam ko wow pynneh ya ka pynneh pynsah ya ka rymaw tangwa phylla u yoo wa ki Cement Factory kiwa pynjæd tympra ya ki khloo ym leh ko iwon iwon namo watoh hieh ki bru kiwa na lait tæ ieh ka ki.

Share this:
Previous

Sdang ka Inter School Football Tournament yong ka West Jaiñtia Hills

Next

Wiar ar ngut ki khynnah kynthai, chem ya ka chithi wa ieh ki