U montri rangbah ka jylla u Conrad K. Sangma da pyntip u ynne ka sngi wa ka NGT Committee da mynjur ko kam wow pyrchang chwa yei dai lilam ya u mooyong wa 2 lakh metric ton na u 32 lakh metric ton.
I rukom yabhah ya kani ka dai lilam man ko kamni- East Jaintia Hills – 75,000 MT, West Khasi Hills – 50,000 MT, South West Khasi Hills – 25,000 MT wa South Garo Hills – 50,000 MT.
Da pyntip u wa i thaw booh (Depot) wa chipor ya u mooyong dai lilam daw chna deiwa bood thij yaki kyndon wym ktah yaka rymaw heipor wa dai lilam kamjooh heipor wa kit ya u mooyong ha waroh ki Depot.
Da ong u leh wa, “Chiboon ki kyndon u hap bood deiwa emlang ki sahep ka CIL, daw pynemkaam leh yaki QR Code, Hologram, Fugitive Ink wa soo Copy ka Challan.”
Da ong u wa da leh ya ini yow pyntikna wa ini waroh u man ko kawa khooid, deiwa pynman leh yaka Online Auction ka wow man ka All India Level da ka MSTC Limited.
Ka MSTC toh ka Company ka sorkar India namo ka PSU. Wei i dor u mooyong toh katkam i dor wa da booh daka Coal India Limited.
“Da yooluti i wa da kani ka rukom dai lilam daw yoh ya i dor wa biang dooh ya u mooyong yong i,” da ong u Conrad, deiwa pynrap wa daw leh ya ini i jooh ya u mooyong wa 32 lakh MT hadien, kawa daw pynyoh dan yaka sorkar kamwa T. 500 klur.
Chooh chooh da ong u wa ka sorkar daw pyntikna ko wa yei tih mooyong u man ko i wym ktah yaka rymaw hapoh ka jylla ka wow sdang noh ym slem de.
Da ekhublei u leh yaka NGT committee, ki sahep ka Coal India Ltd, Metal Scrap and Trading Corporation (MSTC), ki sahep ka chnat Mining and Geology kiwa da kreh chitom la 7 bnai yow pynbait ya kani ka kaam.
Discussion about this post