Shillong: U kyrtong MP cha Rajya Sabha na ka kynhun ki seiñ saiñpyrthai wa em ha ka sorkar Meghalaya Democratic Alliance (MDA), u Dr. WR Kharlukhi ynne ka sngi da thap pyrtuid u ha u Returning Officer, u FG Momin.
Ha kani ka sngi da synran lang ya u Dr. Kharlukhi da uwa yahkhmat ka NPP uwa man leh u symbood montri rangbah, u Prestone Tynsong, u Sanbor Shullai na ka BJP, u Lambor Malngiang MLA khlem seiñ, u Comingone Ymbon na ka NPP wa kiwi ki MLA kiwa emlang ha ka sorkar.
Hawa klam hadien wa da dep thap pyrtuid, u Prestone Tynsong da kam u wa waroh ki MLA wa em ha ka sorkar synrop yatylli ki deiwa kam leh wa u kyrtong ka MDA daw jop suk u ya ka Election MP cha Rajya Sabha ka wow man ha ka 26 tarik uni u bnai.
Ha kawi ka liang, u Tynsong da kyntu wei khut u ya ki MLA ka liang pyrchah wym boi sai kyrtong ha kani ka Election, wei wow kyrchaan lang ya u kyrtong yong ka MDA yow jop khlem da yakhun.
Discussion about this post