Yoh kem ki pulit ya kiwa khayi tiar siat

Ki pulit ka Manipur da yoh kem ki ya arngut kiwa khayi tiar yasiat na Khonghampat Orchidarium ynnin ka sngi. Kini ki arngut da tip kam u Keingam Medar Maring (52) wa ka Singlai Awon Tangkhul (42).

Ya kini ki arngut da yoh kem heipor 1:30 i sngi ka 14 tarik da ki pulit ka CDO IW wa yahkhmat da u Inspector Achouba OC CDO deilang wa ki pulit kynthai wa ki chipai ka 16 AR hapoh i pait u Addl. SP OpS Imphal West.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Na ka Singlai Awon Tangkhul da yoh ya kawi ka 9mm Pistol Smith & Wesson kawa em ki dak thoh Spring Field MA USA wa 2 tylli ki Magazine, kawi ka 9mm Pistol Pietro Beretta Gardone VT Made in Italy wa em number K67579Z wa 2 tylli ki Magazine, kawi ka 9 mm Pistol ST9 Made in Czech Republic kawa em number E00379 deilang wa 1-Magazine, 1-Pistol Silencer.

Hadien wa takit ya kani ka bru da kem sa ya uwi u bru wa tipmit ko uwa tip kam u Jangminhao Kipgen uwa khut siñ kam u Haopu na Sekmai Nongthomban heipor 2:30 ka jooh ka sngi. U Janhminhao da khana u wa yaki tiar siat deilang wa u Pistol Silencer toh kiwa wanrah da oo na Myanmar kamwa chi tayaw chwa wei da e u ya ki cha u K Medar Maring. Kini ki tiar siat toh kiwa toh u li e cha uwi u bru wa tip kam u Toui Khu Sema ha Dimapur ynnin ka sngi da u K Medar Maring.