Shillong: U MLA warim ka Nongkrem, u Ardent M Basaiawmoit ynne da pynbna u wa da pyndam chwa chipor ya ka yalang wa tip kam ka “Revolution- Iada La Ka Ri” neidaw i man i long ka pyrthai iwa da ktah leh ya kani ka ri neidaw u khñiang Coronavirus (COVID-19).
Hawa pyntip yeini ynne ka sngi, u Ardent da ong u wa hadien wa da sdang i poor u COVID-19 hapoh ka ri, da rai wow pyndam chwa chipor ya kani ka yalang.
Heijooh i por, da pynche u wa kani ka Revolution næ Iada La Ka Ri, ymtoh ka seiñ saiñ hima wow yakhun ya ka Eection tangwa man ko ka yakhih paidbah wei pdiang sñiawbha ko a waroh wow embynta ha kani ka yakhun ka wow yada na kiwi ki bor wa thmu wow wan thombor.
Chooh chooh da pynsñiaw u leh yei pyrchah ya ka Citizenship Amendment Act 2019 deiwa ong wa kani ka CAA ymtoh u man aiñ ko ha ri India.
U Ardent da ong u leh wa i chim rai kani ka sorkar Meghalaya Democratic Alliance (MDA) wow dawa pynlait pura ya ka jylla na ka CAA man ko kawa da slem tangwa hanla kattæ da kyrmen wow wanrah ya iwa bha wei man i iwa sakhiat wow dawa pyndam bait ya kani ka aiñ, kawa thmu wow thombor ya ki khian paaid nei elaad ya ki heh paaid Hindu wow wan khih wei chong ha kani ka jylla.
Discussion about this post