Shillong: Kiwa yahkhmat ka Seng Khihlang ynne ka sngi da pynbna paidbah ki wa ya ka lympung ka Seng Khihlang kawa da booh wow man ha ka 27-29 tarik uni u bnai ha Wahaijer, da pynsangeh chwa hadooh wow pynbna noh deiwi tawon khnang wow yada ya i poor u khñiang Coronavirus namo u COVID-19.
Hawa yaklam wa kiwa pathai khubor ynne ka sngi, u President ka Seng Khihlang u H. Robin Kurbah da ong u wa i pynkhreh da man i iwa lai bait wow pynman ya kani ka lympungbah yong ka Seng Khasi wa Seiñ Raij kawa jooh man khlieh u snem.
Da ong u leh wa hadien wa pynbna ka sorkar wow kiar na i pynman ya ki yalang paidbah kam ha kani ka por da rai noh wow pynsangeh noh chwa wei daw pynbna won ya ka tarik hadien ka 31 tarik uni u bnai.
U Robin da ong u wa ka Seng Khihlang ym kwah ko wa ki paidbah u chah ktah ki ha uni u khñiang.
Discussion about this post