Ki dkhot ka JSU hapoh i yahkhmat u Treiborlang Suchen uwa man u President ka Shillong Circle deilang wa u Samran Syiem uwa kreh monsñiawbha, ynne da lai ki cha ar tylli ki thaw ri khonswet kawi kawa tip kam ka Reach Shillong Ministry wa em ha Nonngmynsong waka Spring Of Hope kawa em ha Mawlai Mawdatbaki.
Ha kini ki ar thaw da saam mar chi synduk ki Hand Sanitizers heiwa ha Reach Shillong Ministry da pdiang ya kini da u Pynkhraw Nongpyiur katwa ha Spring Of Hope da pdiang daka Bobby Marpna.
Da em kamwa 16 ngut ki khynnah wa ri ha Reach Shillong Ministry wa 30 ngut ha Spring Of Hope.
U Treiborlang Suchen da baan joor u yeiwa emkaam waka sorkar u e yarap kyrpang ya kini ki khynnah wei da khut u leh ya kiwi ki seiñ wow ya ksohkti lang yow yada nei poor uni u khñiang COVID-19. Da kyntu u leh yaka sorkar wow dai duna dor ya kini ki mar wa emkaam hapoh ka jylla wei wow boodien wa ym em wa chim kabu wow dai syad dor ya kini ki mar.
Neiliang u Samran Syiem won da ong u wa ka sorkar jooh myllieñ ko wow leh jhan wei emkaam wow man kawa chemphang hawa yaleh wa kam kini ki kaam yow pyntikna wa ka jylla ym chah ktah ko ha uni u khñiang. Da pynrap u deiwa ong wa ka sorkar emkaam ko wow booh yaki Isolation Ward wa ki Test Centres kamjooh wow tip kiwon ki bru kiwa wan chapoh ka jylla.
Discussion about this post