Nongpoh: Kam chibynta wow khoom u kdoh yei poor u khñiang COVID-19 (Coronavirus), ka Deputy Commissioner yong ka Ri-bhoi District da phah ko ya ka chnat i chait i khiah ha Ri-Bhoi wow pait bniah ya ki bru kiwa wan psiah cha kani ka jylla lyngba ka thaaiñ Ri-Bhoi.
Ya ini i sylli (Screening) da leh deiwa thaw yei chit namo iñdoh (Temperature) ha i doh i pran kiwa lai wa wan nadooh 7 waje ynnin i janmiet wei da pteiñ i hadooh ynne ka sngi wei u lai bait i hadooh 24 kynta hadooh ka 31 tarik uni u bnai.
Ha ini i sylli da yarap lang ya ki bor District wa ka chnat i chait i khiah da ki bru ka District Medical and Health Officer, ka chnat pulit, ki wakreh sorkar na ki chnat waphær waphær wei kamjooh kiwa sikai skur ka District ki wow kylliang man ka sngi.
U R Syiem na Byrnihat PHC da ong u wa katkam wa phah da ki bor wa hajrong wow sylli bniah ya i man i long kyrpang du neibynta kiwa wan na baar khamtam na kitu ki ri wa ki jylla kiwa da chah ktah bha ha uni u khñiang.
Da ong u leh wa lada chem wa i chit man i palat yeiwa da booh haap pynkit noh ya ki cha Civil Hospital wow yoh u booddien yei chait i khiah yong ki.
Da ong leh wa hadooh katni ympu chem ya kiwon kiwon leh kiwa pynyoo ya ki dak ki chin wa chah ktah ki ha u COVID-19.
Discussion about this post