Hadien wa sdang poor u Novel Coronavirus namo u COVID-19 ha sorbah Wuhan, China ki chipai ka ri wa kynthup ya ka Air Force, Army wa Navy da kreh bha ki heiyatoh wa ki nong India wa da wan thooh na ki ri wa chah ktah bha ha uni u khñiang kam na China, Iran, Italy wa Japan wei da khang-kset (Quarantine) ya ki ha ki thaw wa kyrpang.
Nadooh ka 1 Thohlakhmi (Feb), 2020 hadooh ynnin ka Indian Air Force da wanthooh ko ya ki 1059 ngut wa kynthup ya 5 ngut na baar ri wei da khankset ya kini kiwa da wan thooh ha Manesar(Haryana), Hindan (Ghaziabad), Ghatkopar, Mumbai wa Jaisalmer (Rajasthan).
Chooh chooh ka Indian Navy da booh ko ya ka thaw kyrpang namo ka Quarantine Camp ha INS Vishwakarma, Vishakhapatnam kawa ye u booh ya hadooh 200 ngut ki bru.
Ka Indian Navy da booh ko yei thaw wa kyrpang kam ha ka Hospital yong ka, ka INHS Asvini, Mumbai. Ka Kochi Naval Base kawa haap hapoh ka Southern Naval Command (SNC) leh dang pynkhreh ya ka wow booh ya ki nong India deiwa krehlang wa ka chnat i chait i khiah ka jylla Kerala.
Ki Army Hospital leh da man ki kiwa da pynkhreh wow yakhun pyrchah ya uni u khñiang.
Yeini waroh da pyntip da u montri ki kaam yada ri, u Rajnath Singh.
Discussion about this post