Shillong: Heiyatoh wa ki laad wow yada na u COVID-19, u Chief Secretary ka Meghalaya da pynbna u yaki kyndon wow leh heipor ka Janata Curfew ha State.
Ki kyndon wa pynmih ynne ka 22nd March, 2020 da ong wa ka Janata Curfew u krehkaam ko nadooh 6 AM ka 22nd March, 2020 hadooh 6 AM ka 23rd March, 2020, waroh ki Deputy Commissioners kamjooh ki Superintendents of Police toh u kyntu ki ya kiwa chong chnong yong ki jar jiar ki District wow chong ki ha yung heipor ka Janata Curfew, u chah u lai u wan du ki wareh Emergency Medical Services, Chemist, Pharmacies wei chah u wai ki dukan wa haap hapoh ka Essential Services.
Ki kari kamai ym chah u krehkaam ki, ki Inter-state Border Check Post toh u pynkhlan ki yow pyntikna wa waroh ki kari wa psiah chapoh ka jylla ym yoh ki wow psiah lait noh ki kari wa kit dawai, wa kit mar wa emkaam man ka sngi (Essential Commodities) waki jhoor.
Waroh kiwi ki jait dukan toh u khang ki, kamtæ da kyntu ya ki tre dukan wow ya krehlang ki heiyatoh wa ini, ki Deputy Commissioners da phah yaki wow e Report ki man ka soo kynta heiyatoh wa i pynkrehkaam yaka Janata Curfew cha u Chief Secretary.
U chah leh yaki bru wakreh haka Health, Sanitation, Police wa kiwi wow pyndep ki yei kaam yong ki.
Discussion about this post