Jowai: Kam chibynta wow yada nei poor u khñiang COVID-19 hapoh ka West Jaiñtia Hills District, u District Magistrate ka District da pynkrehkaam u daka Section 144 CrPC ha waroh kawi ka District nadooh 10:00 PM ka 23rd March, 2020 hadooh 5:00 AM ka 26th March, 2020 yow bood yaki kyndon wa da phah daka sorkar Meghalaya.
U District Magistrate da hukum u leh yow khang waroh ki yaw ki haat, ki thaw ya dai ya thied kamjooh ki Bank hapoh ka District. Da khang leh yei pynkrehkaam yaki kari kamai. Da khang leh yei yalang palat 5 ngut ki bru ha iwi i thaw kam ha ki thaw paidbah, ki thaw sorkar, ki yaw ki haat, ki dong ki chmiang wa kiwi kiwi lait noh hapoh ki yung ki sem ki bru.
Kani ka hukum ym krehkaam ko ya ki Security Forces, Medical Teams wa em Duty, Petrol Pumps, Pharmacy wa waroh ki Essential Services wa kynthup ya ki wakreh Health Services, MeECL, Public Health Engineering (PHE) Department, Public Works Department (PWD), Children Home, ICDS, Police & Armed Forces, Fire Emergency Services, Banks & ATMs. I lai i wan ki kari kit mar wa emkaam (Essential Commodities), Security Forces, Medical Equipment & Goods. Tangwa ya kiwa yah kari hap hi ki wow leh yaka Medical Screening katkam ki kyndon wa da booh. Ki wakreh Print wa Electronic Media leh u lait ki na kani ka hukum.
Discussion about this post