Shillong: U Chief Executive Member ka Khasi Hills Autonomous District Council (KHADC), u Latiplang Kharkongor da ong u wa smat u wow khreh wow pynyoo bor mynstep ka sngi neibhah wa da chah jied u haka yung dorbar, wei lada toh u chah pynhaap u leh toh u chah pynhaap u hapoh ka yung dorbar, tangwa ym hiar u na ka chuki CEM.
Hawa klam ha ki laad pathai khubor ynne ka sngi, u Latiplang da ong u wa hakhmat ka aiñ ka United Democratic Forum (UDF) da jop ko wei iwa sah toh sa ha ka yung dorbar wow pynyoo ya i boon paaid ha ka dorbar kyrpang.
Hawa kylli, u CEM da kyntait u wow pyntip yei em ki MDC ha ka UDF, tangwa da ong wa i yaklam dang em ko katni leh wei ya ka jubab daw yoh bait mynstep ka sngi ha ka dorbar.
Neiliang u Chairman ka KHADC, u Pynshngian N Syiem da ong u wa i pynyoo bor toh neibhah wym chaniah de ya ka Executive Committee u man ko da i thap Vote kamwa man ha kiwi ki Election.
Ha i jooh i por u Chairman da pyntip u leh wa daw pynrykhiñ ya ki bru paidbah kiwa wan cha ka dorbar neidaw u khñiang COVID-19.
Discussion about this post