E khublei u Modi ya ki le ri wa yarap poisa ki wow yakhun ya u COVID-19

U montri rangbahdooh ka ri, u Narendra Modi ynne da ekhublei u ya ka montri rangbahdooh ka Bangladesh, ka Sheikh Hasina wa da e yarap poisa ka ri yong ka cha ka COVID-19 Emergency Fund hadooh $ 1.5 Million.

Da ong u wa lyngba i yatylli wa i kreh lang chirup daw ye u yakhun pyrchah ya u moochynthut wa wanrah u COVID-19.

Heijooh i por da ekhublei u leh ya u President ka Afghanistan, u Ashraf Ghani heiwa ka ri yong oo da e yarap ko hadooh $ 1 Million cha ka COVID-19 Emergency Fund, deiwa ong wa ini pynyoo i yei tylli ki ri ka thaaiñ South Asia.

Chooh chooh da ekhublei u leh ya u President ka Sri Lanka, u Gotabaya Rajapaksa heiwa ka ri yong oo da e yarap ko hadooh $ 5 Million cha ka SAARC COVID-19 Emergency Fund.